Set
13
2016
--

Secar tomates

Este ano nascerom-me umha chea de tomateiras polo meio da horta, cousa de nom recolher todos os tomates do ano passado (podreciam antes de madurar de todo). conservei uns vinte pés, mas resultárom nom ser da caste que pensava. Umha mágoa. Eu normalmente utilizo os tomates para fazer molho (poucos como em fresco) e estes eram demasiado pequenos para andar a pelar. Tinham, a maioria, entre 3 e 5 cm de diámetro, e isso dá para pouco (a cámbio produciam muita quantidade). Assim que me decidím a secá-los.

A primeira prova figem-na no forno. Li na internete que, para esse tamanho avondava ponhé-los duas horas a 100oC. Nada mais longe da realidade. nom estavam secos. Por nom perdé-los, saquei a bandeja do forno ao sol, aproveitando esta calor que tivemos. pois tres dias despois estavam duros como pedras. Eis umha pequena mostra:

img_20160910_191050

Da segunda volta optei por ponhé-los ao sol directamnete. e que milhor forma de explicar o proceso que com fotos.

Primeiro passo: cortar os tomates à metade e quitar o que sobra. Se som mui grandes milhor cortá-los mais

img_20160904_201319

Segundo passo: seica o milhor é ponhé-los numha reixa, assim que eu colhím umha mosquiteira velha e coloquei-na enriba duns cavaletes

img_20160904_201334

img_20160904_201357

Despois colocamos os tomates co corte cara arriba, botamos sal e tapamos com outra mosquiteira (para isso as madeiras) por se as moscas.

img_20160904_204415

img_20160904_204621

Passados quatro dias vemos o resultado

img_20160910_191008

Há que dizer que isso é a metade do que pugem. Nos últimos dias houvo muita humidade de noite e os mais grandes colhérom algo de balor, polo que os tirei.

Umha vez secos emboteinos com azeite, ourego e pementa. Já vos contarei se sabem ou nom.

img_20160913_105021

Written by chimpin in: Geral | Etiquetas: ,
Set
13
2016
--

Guardando sementes

Tinha intençom de fazer umha série entradas sobre a horta. E que milhor que começar polo começo, nom? Pois começamos a preparar a horta do próximo verám. Agora? Se ainda estamos NESTE verám! Pois sim, agora. A horta do ano que vém começa quando guardamos as sementes deste ano, e isso fai-se colhendo-as dos froitos que imos consumir. Formas de guardar semente há muitas perfectamente válidas. O realmente importante é que esteam bem secas e que se conservem num lugar fresco, seco e escuro. As minhas estám numha caixa de sapatos.

A forma mais cómoda de conservá-las é ponhendo-as em papel de cozinha, como podedes ver na foto coas minhas sementes de tomate:

Sementes de tomate

O papel absorve a humidade sobrante e, logo de secar, pode-se dobrar para metélo numha caixinha. Importante: ponhede nome ás cousas, que daquí a um ano nom ides lembrar de que é cada cousa. A maiores, o facto de conservá-las assim (as sementes de froitas mui hímidas ficam coladas ao papel) vai-nos vir bem á hora de ponhé-las a agromar. mas isso é outro conto que tocará aló polo mes de março.

Written by chimpin in: Geral | Etiquetas: ,

Powered by WordPress | Aeros Theme | TheBuckmaker.com WordPress Themes