Mar
16
2010
1

O decreto do espanhol

Nom adoito escrever aquí sobre temas relacionados com a minha actividade profisional, mas normalmente nom está tam de actualidade. Desta volta os professores de tecnologias estamos no meio da polémica, assim que se a actualidade chama por mim, eu resposto.

Vem isto a conto da apresentaçom do Projecto de decreto para o plurilingüismo no ensino nom universitário da Galiza [pdf, 159 KB], apresentado aos meia de comunicaçom polo Secretário Geral de Política Lingüística o passado Sábado 13. E nom me vou extender sobre as formas da apresentaçom (um sábado, e á prensa, sem contar com ningúm dos agentes involucrados nem amosando o texto completo) nem sobre a falta de consenso (palavra coa que se lhe enche a boca ao Conselheiro), nem sobre a obrigatoriedade de impartir áulas em espanhol por primeira vez desde a ditadura, nem sobre a potestade dos pais e nais de mandar (que nom colaborar ou formar parte de) no sistema educativo.

De todo isto já se leva dito muito em tres dias. Tanto sindicatos (CIG-Ensino, STEG, aguardo que CCOO [pdf, 290 KB] e FETE-UGT publiquem algúm comunicado nos seus webs), como partidos políticos (BNG, PSdeG-PSOE, AGIR, NOS-UP), como persoeiros da cultura (Marcos S. Calveiro, Xabier P. Docampo, Manuel Bragado), como associaçons de pais e nais, associaçons de defessa da língua (A mesa, Coordenadora de ENL, Queremos Galego, Galego Património da Humanidade, AGAL) e incluso algum militante do PP já figerom as suas valoraçons iniciais.

Mas em todas estas valoraçons noto um ponto de vista que falta e case nom se escoitou. Este decreto assume a desapariçom do galego nas ciências experimentais. Justamente, é o ámbito do saber onde o galego está menos normalizado onde o governinho retira a língua nacional. Nom há mais que passar-se polos diferentes serviços de normalizaçom lingüística das universidades para ver a minoria na que está o galego. Minoria em quanto á utilizaçom geral, mas quase ausência nas carreiras e departamentos de ciências experimentais.

Se botamos um olho ao informe da Uso dos idiomas na docencia dos departamentos no curso 2009-2010 [pdf, 65 KB], comprovamos que só 14 dos 78 departamentos da USC tenhem umha percentagem de docência em galego maior do 50%. Só um desses é de ciências, o de Producçom Vegetal que, casualmente, tem a sua sede no Campus de Lugo. Se começamos polo outro lado, nos departamentos cumha docência em galego menor do 10% atopamos um total de 33. Desses 33 a grande maioria (25) som de ciências. Os outros som filologias (que em parte tem umha lógica que nom sejam em galego, mas na língua correspondente) de direito e de empresas. Se miramos por titulaçons no informe Evolución do uso do galego na docencia, por graos e titulacións de 1º e 2º ciclo [pdf, 71 KB], temos que baixar até a Engenharia de Montes para atopar a carreira de ciências com maior docência em galego. Um 40%. De novo do campus de Lugo, especializado em ciências agrárias (constatamos que o galego é para falar coas vacas até na universidade). E se excluimos as carreiras agrárias do Campus de Lugo baixamos até o novo Grau em Matemáticas para atopar-nos cumha carreira co 31%. O resto estám por baixo.

Nos casos da UVigo e da UDC nom atopei dados elaborados. Mas já no Plano de Normalización Lingüística da UDC podemos ler cousas como:

  • Só un 2,3% do persoal docente e investigador emprega o galego para redactar os traballos científicos e de investigación. Un 9,9% emprega o galego e o castelán. É dicir, en total un 12,2% emprega o galego, quer de xeito exclusivo, quer alternando co castelán.
  • A grande maioría do PDI da UDC non publicou ningún traballo científico en galego. Só un 26,8% o fixo.
  • Existen áreas de coñecemento cunha moi escasa implantación do galego (áreas tecnolóxicas ou científicas, por exemplo).

En resumo: colhendo ás universidades como mostra da actividade cientista galega, e tendo em conta que na USC (tradicionalmente a mais galeguizada das tres) a docência em galego acada o 25%, constata-se que nas áreas de ciências a situaçom do galego é ainda pior. Se unimos os dados de investigaçom na UDC (10%) podemos assegurar sem medo que a normalizaçom do galego brilha pola sua ausência entre os cientistas galegos. De facto, já tem saido nos jornais a leitura dumha tese polo facto de ser em galego.

Com este decreto, e se os centros repartem as línguas entre as matérias do Bacharelato seguindo o reparto obrigado por decreto no E.S.O., atopariamos facilmente casos nos que os itinerários tenham todas as matérias próprias da modalidade em espanhol. Qualquer itinerário científico-tecnológico tem como matérias próprias da modalidade Matemáticas II, Física e Química e Tecnologia Industrial II. As tres em espanhol, mui possivelmente. Mas isso é bilingüísmo, seica.

Ante isto, a Junta da Galiza a través de Jesús Vázquez e este a por meio de Anxo Lorenzo, decidem unilateralmente erradicar o galego das ciências experimentais já desde o E.S.O., e apelando á tradiçom, por se o tema nom fosse o suficientemente grave. Senhores, a essa tradiçom outros chamamos-lhe ditadura franquista. Ditadura na que se sancionava a quem dava áulas em galego. Cousa que ocorrerá, se nada o remédia, o ano que vem. Por tradiçom.

Queremos ciências em galego.

17/03/2009

Edito para engadir ligaçons aos comunicados de CCOO, AGIR, NOS-UP e AGAL

Written by chimpin in: Geral |
Feb
04
2010
--

Arbeit macht frei

Ou O travalho ceivará-vos. E é que para algúns nom há tempos como os passados.

Written by chimpin in: Geral |
Feb
04
2010
--

Probando

image

Isto das novas tecnologias dá muitas possibilidades de interatuar com produtos que se utlizam normalmente. Se já tinha no telemóvel aplicaçons para atualizar o twitter e facebook, ler o tumblr, subir fotos a twitpic e panoramio (suponho que também haverá para flickr) ou enviar e comprobar o correio-e, agora estreo a nova app de wordpress para android coa que escrevo esta entrada. A ver se assim atualizo mais.
Picture unrelated, só é para comprobar o resultado, como o resto da entrada.

Edito: semelha que há um probleminha com a categoria, que me saiam os tags para escolher no sítio do que devera sair. Polo resto o resultado é bastante bom.

Written by chimpin in: Geral | Etiquetas:
Feb
03
2010
--

TDT

De:

a:

só há um:

– Emitireis en gallgo, en castellano o 1/3 en inglés 1/3 gallego y 1/3 en castellano?

– Aspiramos a falar de Galicia como falamos os galegos. Grazas polo interés

Nova tele da Voz. A botar balóns fora fazer pais desde o primeiro dia.

Written by chimpin in: Geral |
Xan
10
2010
2

Avatar

Nom adoito fazer críticas de filmes, mas este de Avatar impactou-me tanto que bem merece umha. Para ponher em antecedentes direi, simplesmente, que o fum ver aos cinemas de  Área Central (Compostela) cumha acompanhante.

  • Entradas: 2×9,50 € + 1,80 € de gastos de gestiom por merca-las anticipadamente por internet: 20,80 €
  • Umha coca-cola mediana, um pacote mediano de flocos de milho e umhas ghulichadas: 13,93 €
  • Aparcar o carro: 5,90 €

Ir ver o filme duas pessoas saiu por um total de 40,63 €.

O filme? Caro, mui caro. Cada vez que vou ao cine tenho menos reparos á hora de tirar de descargas ilegais para ver os filmes que quero.

QUE LHE DEAM MUITO POR SACO Á INDÚSTRIA CULTURAL

Written by chimpin in: Geral | Etiquetas: ,
Dec
04
2009
--

Outras cousas que explico na aula

Piadas

Written by chimpin in: Geral |
Out
02
2009
2

Silheda entra na política estatal

Suponho que a estas alturas a gente saberá que em Silheda leva tempo a fraguar-se umha moçom de censura por parte do PP e contra o bipartito PSOE (corrigido, ponhia PSOE-BNG. Governava o PSOE em minoria).Todos os rumores apontam a que a idea e pressom da moçom é de Rafael Louzán, presidente da Deputaçom de Ponte-Vedra e dos populares da província. Ainda que o PP assinou o pacto antitransfuguismo, era a sua cúpula a instigadora (segundo a rumorologia, repito, e a própria regedora de Silheda). Mas qando tudo estava a ponto, saltou a lebre. Resulta que uns tránsfugas se iam aliar com concelheiros escindidos do PSOE para fazer umha moçom de censura em Benidorm, cousa pola que protestou o PP apelando ao pacto mencionado. A resposta do PSOE foi clara: o PP que estea calado, porque tenhem em marcha umha moçom em Silheda coa que também incumplem o pacto. Por outra banda, os doce concelhais do PSOE em Benidorm derom-se de baixa do partido, polo que, em princípio, a moçom nom é responsabilidade do PSOE. Assim, ao PP nom lhe ficou outro remédio que parar a moçom de Silheda para poder seguir botando pestes do PSOE a nível estatal. Ainda que o dixerom coa boca pequena (leam entre linhas), mentres lançam acusaçons graves contra edís silhedenses, ainda que nom acodam aos tribunais para demonstra-lo, como sim fez a alcaldesa.

Polo momento a cousa está mais ou menos parada, ainda que o senhor Louzán segue a fazer declaraçons nas que dá a entender que está dacordo e que, de poder, instigaria moçons também en sítios como A Estrada. Aguardemos que nom haja tránsfugas para apoiar essas cousas.

Actualizaçom:

A moçom já foi apresentada da mam da futura alcaldesa, Ofelia Rey, e conta com o apoio de ela e outro escindido do PSOE e outros 5 concelheiros do PP que, segundo a plana maior do partido, já forom expulsados do mesmo. O pleno terá lugar o 19 deste mes.

Written by chimpin in: Geral | Etiquetas: , , , ,
Set
02
2009
6

Galileoscope

Este ano celebra-se o Ano Mundial da Astronomia, comemorando assim o 400 aniversário da invençom do telescópio astronómico por Galileo Galilei. E para celebrar tal evento, a UNESCO criou um telescópio barateiro com a intençom de difundir a ciéncia de jeito económico, e chamou-lhe Galileoscope. O telescópio pode ser mercado a través da web por 20 $ mais gastos (15 $ para solicitudes de máis de 100 unidades). Total, que me figem com um destes joguetinhos.

O galileoscope é de plástico, e vem desmontado para que cada quem faga com as suas mans. Evidentemente, nom é um telescópio que dea umha qualidade de imagem impresionante, incluso é complicado de enfocar bem, nom tem parafusos nem porcas (fóra dumha para o trípode), mas a relaçom qualidade/preço sim que impresiona.

Aqui podem-se ver a embalagem com tudas as peças que trae e o telescópio montado:

Caixa

Peças

Montado

Anduvem a fedelhar nel as duas últimas noites, nada mais que vim a lua e Venus, mas tampouco o temo acompanhou nim o lugar (cumha farola ao lado e a pouca distáncia dumha vila) nom é o mais adequado. Ainda assim, com este telescópio num mini-trípode de câmara compacta, e a câmara á que lhe corresponde o trípode pudem fazer umha foto da lua bastante decente:

p9013079

O próximo será mercar um trípode de verdade e a ver a partir daí que conseguimos.

Written by chimpin in: Geral | Etiquetas: , , ,
Xul
14
2009
1

Música na noite em Solháns

O festival da Música na noite de Solháns, em Calo (concelho de teo), começou a celebrar-se no ano ’86 e tivo, inicialmente, umha vida de 10 anos. O ano passado a associaçom Lua Chea retomou a idea e celebrouse a XI ediçom, á que assistim e da que gostei, polo que este ano tocava ir de novo. E alá fum a sexta, dia 3 deste mês. A pessar do cámbio de datas, que a fijo cadrar com a Rapa de Sabucedo, a assistência de público estivo bem, e o espaço melhor organizado que o ano passado.

Logo de dar conta dum par de bolos prenhados, atendim ao concerto de Medomedá (a mim colgase-me o navegador cada vez que entro, mas tenhem também um medomedá-myspace desses),

imagem145

un grupo de música pop-rock de quem conhezia a Marquinhos Drinkin e o seu Iogur de Fresa desde o primeiro A Polo Ghit, cançom que, por certo cantarom. Demonstrarom ser um grupo verbeneiro, divertido, e bons músicos, que também conta.

Medomedá

Adoito nom atender muito quando nom sei as cançons/nom conheço um grupo, mas podo assegurar que com este me divertim. Ademais, tocarom umha cheia de versons de cançons conhezidas, mui interessantes a maioria.

Logo disto tocou-lha quenda a Galegoz (também com o seu galegoz-myspace. Vou aproveitar a ocasiom para solicitar aos grupos que pordiós tenham umha web alternativa a myspace. que som o pior do mundo). Grupo já consagrado e de qualidade contrastada. O certo é que já os vim na Rapa há um par de anos (ou o passado, nom lembro agora) e este concerto estivo na linha, ritmo e letras.

Galegoz

O certo é que estava já canso e nom rematei de ver-os, e tampouco pudem ver a Ruxe-Ruxe, cousa que sentim porque é um grupo que ainda nom vim em direito.

Em resumo, um 9 para a organizaçom, da que deveram aprender muitos pequenos festivais que há por aí, e que continue assim por muitos anos.

Written by chimpin in: Geral |
Xul
08
2009
3

Nova jeira

Começa aquí umha nova etapa do chimpín, ainda que a diferenza está no cámbio de site, de Blogger á Blogaliza. Já há tempo que estava plantexado o cámbio, de feito este blog leva existindo um ano quando menos, mas as circunstáncias figêrom que o cámbio fosse agora. E fazendo-o decatei-me que o dia 14 do mes passado foi o 3º aniversário do blog (e a minha persoa, polo tanto, já que nascim com el), assim que, que melhor forma de celebrar tal acontezimento!

durante um tempo, e até que lhe faga os derradeiros ajustes, andaremos a funcionar um tanto em beta, motivo polo que solicito perdoem as desculpas.

Semelha que já aparezem os primeiros falhos. Há problemas com os comentários. A ver se o amanho. Senóm, insistam, por favor.

Written by chimpin in: Geral,Gráfica |

Powered by WordPress | Aeros Theme | TheBuckmaker.com WordPress Themes