Xuñ
02
2009

EU2009

Nom entendo estas eleiçons. E com isso nom digo que nom saiba delas. Sei que elegemos aos representantes no parlamento europeu, sei que há umha circunscriçom única e até sei quem se apresenta e que coligaçons formam (as mais importantes em número de votos, claro).
E é desde este ponto que nom entendo. A passada semana recebim a publicidade eleitoral de rigor, dos partidos com representaçom no parlamentinho. Nim abrim os sobres de PP e PSOE, mas si o figem com o que spamearom os do BNG. E qual foi a minha surpresa que a papeleta que vinha coa publicidade era do BNG e nom, como aguardava, da coligaçom Europa dos Pobos-Verdes (composta por ERC, BNG, Aralar, CHA, EA, Los Verdes e Entesa per Mallorca). E a primeira da lista era a candidata do BNG, nom Oriol Junqueras, candidato de ERC e primeiro eurodeputado que sairia elegido de obtiver algum a coligaçom.
Busco informaçom ao respéito na web eleitoral do BNG e nom atopo mençom nenhuma á coligaçom, e o mesminho passa na de Esquerra. Mas sim, na web eleitoral de Aralar (ainda que de aspéito menos coidado que as anteriores). Aí podo ver que partidos componhem a coaligaçom e vejo o a candidatura completa, na orde na que sairiam de ser elegidos. De que na web eleitoral do BNG apareça Guillerme case tanto como Ana Miranda e que na principal ainda haja um banner de Galeuscat, nim comento nada.

Agora as perguntas, e a sério que nom sei as respostas e solicito que se alguem sabe algumha me saque de dúvidas:

  • Que papeleta vou atopar o domingo na mesa eleitoral, a do BNG ou a da coligaçom?
  • Se é a do BNG: vou atopar também as dos outros partidos que formam a coligaçom? E se nom é assim, vam atopar a papeleta do BNG os galegos que votem, ponhamos, em Barcelona? E vou atopar eu a de Esquerra ou a de Aralar?
  • Se é a da Coligaçom, logo a papeleta que me enviarom nom é nula?

Pois isso, que nom entendo. E tampouco é que atope muita informaçom, a verdade.

Written by chimpin in: Geral | Etiquetas: , ,

6 Comments

  • Anonymous

    A min enviáronme as papeletas por que voto por correo, e viña unha do BNG, esta ten menos xente que as demáis, supoño que logo as sumarán todas en ARALAR…agardo que che sirva de axuda!

    Comment | 2 Xuño 2009
  • signatus

    Vai vostê atopar a papeleta do BNG só.
    Nom vai atopar a da candidatura completa nem a dos demais partidos por separado.
    Os galegos que votem em Barcelona poderam colher a papeleta de ERC, os de Castela a dos Verdes.
    A papeleta que lhe enviárom nom é nula.

    Nas eleiçons europeias estas cousas podem-se fazer e estám pensadas para as coligaçons, mas mesmo o PSC terá umha papeleta diferente à do PSOE (sem Magdalena Álvarez)

    Comment | 2 Xuño 2009
  • chimpín

    Obrigado polas respostas.
    Conhezendo as respostas, atáca-me a prgunta de: nom é isso enganar ao eleitorado?

    Comment | 2 Xuño 2009
  • ifrit

    Entón haberá unha papeleta da FPG e non de Iniciativa Internacionalista?

    Comment | 3 Xuño 2009
  • signatus

    Ifrit, isso depende da FPG, pode decidir que a papeleta seja só com os seus candidatos e que ponha FPG – II-SP ou que vaia a lista completa.

    Comment | 3 Xuño 2009
  • chimpín

    Eu o que podo asegurar é que nas anteriores havia umha papeleta de Europa dos Povos, e nom de ningum partido que formava parte da coligaçom. Mais do Bloco si havia, e nom de Galeuscat.

    Comment | 3 Xuño 2009

RSS feed for comments on this post.

Sorry, the comment form is closed at this time.

Powered by WordPress | Aeros Theme | TheBuckmaker.com WordPress Themes